Zarbdorda ilg‘or agrotajribalar bo‘yicha seminar o‘tkazildi

Zarbdor tumanida “Anvar sohibkori” fermer xo‘jaligida yer maydonlaridan samarali foydalanish, bog‘ va tokzorlarda hosildorlikni oshirishga qaratilgan amaliy seminar bo‘lib o‘tdi. 

 Tadbirda tuman mutasaddilari, Agrosanoatni rivojlantirish agentligi va fermerlar kengashi vakillari, shuningdek, 45 dan ortiq fermer xo‘jaliklari rahbarlari ishtirok etdi. 

 Seminar davomida agronomlar tomonidan bog‘-tok qator oralari va dala chetlaridan unumli foydalanish, agrotexnik tadbirlarni to‘g‘ri tashkil etish, eksportbop meva navlarini yetishtirish hamda daraxtlarni parvarishlash bo‘yicha amaliy tavsiyalar berildi.